PEDIATRAS NO COLE

PROXECTO: PEDIATRAS NO COLE

• Que nos doe e onde?
• Por que é necesaria a hixiene diaria?
• Que hai que ter en conta cando visitamos o pediatra?

Esta semana empezamos un novo proxecto que quere achegar a realidade da medicina aos nenos. A súa finalidade é educar en hábitos saudables, mellorar as habilidades comunicativas e fomentar valores de solidariedade e cooperación.

A organización dunha consulta de pediatría permitirálles aprender e repasar coñecementos adquiridos en diferentes áreas curriculares: funcións de diferentes órganos do corpo humano e nocións básicas de hixiene diaria e de prevención de enfermidades.

Por outra parte, tamén necesitarán poñer en xogo as súas habilidades lingüísticas para redactar textos e aplicar vocabulario científico, así como para desenvolver a comunicación non verbal, e a competencia artística en debuxos e análise de imaxes.
Así mesmo, ao planificar a organización da consulta, adestrarán as súas habilidades emprendedoras, xa que deberán definir os diferentes roles, anticipar dificultades e planificar as fases do proceso.

Nesta ocasión xogar aos médicos vai en serio. Tes a túa bata preparada?

Para ir entrenando deixovos un enlace ben interesante:

www.luisamariaarias.wordpress.com